ابيات شعر جميلة

شعر جميل
منقول
========
وبرده بلادي
بلادي بلادي
ويفضل لنيلك عليا أيادي
ولو جف نيلك
وخانك دليلك
ولوضل ليلك يا بلدي الدفا
ولوعشت أحلم بلحظة أمان
ومت وعيوني متلهفة
وملقتش غيرك
بتوبك مقطع
بتبكي يا سمرة شهيد الحيتان
ولو يجبروني أسف التراب
راح احضن ترابك
واغني لسماكي بلحظة عتاب
يئن التراب
ومين اللي يفهم ترابك غير ابنك
يقولك بحبك
يقولك بحبك يأطهر تراب
ويصرخ ينادي
بلادي بلادي
بلادي......
سكات
يقولوا انت مين انت
يطول السكات
وتصرخ مرايتي
أنا ابن البلددي
وشايل ف دمي شهادة ميلاد
ولا أخدش للحظة جدار السكات
واروح وانام
يرج التراب
يخرج يفرخ ألاف الولاد
يشبوا ف سكات
يعيشوا فسكات
يموتوا ف بلدهم بداء السكات